Një operacion antidrogë me urdhër të SPAK u zhvillua nga Policia e Shtetit katër ditë më parë në Lezhë, ku u ndalën 12 persona të akuzuar për vepra të ndryshme penale, mes tyre edhe 5 efektivë policie të cilët bashkëpunonin me kultivuesit e kanabisit.
Gjykata e Posaçme la në fuqi masat e sigurisë “Arrest në burg” për shtetasit Leon Ndrecaj, Leonard Kola, Zef Lalaj, Ilir Prengaj, Ylli Veshi, Gjin Kola, Aleks Këdheli, Tanush Lekgegaj dhe Miri Rrapi, të vënë në pranga si pjesë e një grupi kriminal që kultivonin dhe shpërndanin kanabis.
Në fuqi u lanë masat edhe për 4 efektivët Zamir Mehaj, Alfred Ndoj, Fatmir Alija dhe Petrit Florini të akuzuar se ndihmonin kultivuesit, duke i treguar se kur do shkonte policia për kontrolle në zonë. Në kërkim për këtë dosje vazhdojnë të jenë edhe 7 persona të tjerë, për të cilët u la në fuqi masa dhënë nga Gjykata.
