Lojtari i Real Madridit Karim Benzema nuk ka marrë pjesë në seancën gjyqësore të zhvilluar mbi çështjen ‘Valbuena’ edhe pse ai ishte thirrur nga Gjykata. Francezi ka preferuar që të përfaqësohej nga avokatët e tij raportojnë mediat spanjolle.
Ylli i ‘madrilenëve’ akuzohet se ka qenë bashkëpunëtor në kërcënimin e ish-shokut të Kombëtares franceze Matheius Valbuena se do t’i nxirrte një video intime dhe për këtë arsye ai rrezikon të dënohet deri në pesë vite burg dhe një gjobë prej 75 mijë eurosh.
Ndërsa ka folur pas seancës së sotme gjyqësore, Valbuena është shprehur: “U ndjeva në rrezik dhe kisha frikë për karrierën time sportive me ekipin e Francës. E dija se nëse do të dilte videoja, do të komplikohej situata për mua në kombëtare. U ndjeva në rrezik, instikti im i parë ishte të bëja një denoncim në polici. Asnjëherë nuk u fol për ndonjë shumë parash, por pati një kërcënim nga njerëzit e akuzuar, që më thanë se kishin diçka të rëndë për mua.”
Teksa ka vazhduar më tej për mungesën e Benzemas në seancën gjyqësore, ish-lojtari i Kombëtares franceze shtoi: “Benzema ka munguar. Është e turpshme, por kështu ndodhi. Unë do t’i shkoj deri në fund çështjes, në mënyrë që gjithçka të mbetet pas, secili të marrë dënimin e merituar.”
Por çfarë është ‘Rasti Valbuena’?
Në vitin 2015, Benzema u akuzua për “bashkëpunim në përpjekje për shantazh”. Me sa duket, sulmuesi i bëri presion Mathieu Valbuena të paguante një shumë të madhe parash për të parandaluar që një video e tij me përmbajtje seksuale të dilte të bëhej publike.
Imazhet u morën në korrik 2014 nga Axel Angot, i njohur për aftësitë e tij kompjuterike. Valbuena e kontaktoi atë për të provuar të merrte të dhëna nga celulari i vet, i cili ishte dëmtuar. Në fillim Angot e ruajti skedarin në kompjuterin e tij pa synuar ta bënte publike.
Megjithatë, muaj më vonë ai duhej të paguante një borxh dhe iu drejtua atij. Së bashku me Mustapha Zouaoui, një tjetër i njohur për futbollistët për sigurimin e produkteve luksoze, ata hartuan një plan për të marrë kompensim financiar.
Ideja ishte që mesfushori të dinte për ekzistencën e këtyre imazheve përmes shokut të tij të skuadrës Djibril Cisse dhe, në të njëjtën kohë, të propozonte ndihmën e Angot për ta fshirë atë. Por Valbuena nuk reagoi dhe ata pastaj shkuan te Younes Houass, një nga njerëzit e tij të besuar. Valbuena e çoi çështjen para policisë, e cila filloi të përgjonte bisedat telefonike.
Kështu ata zbuluan se shantazhuesit kishin kontaktuar Zenatin i cili, nga ana tjetër, i kërkoi ndihmë Benzemas. Sulmuesi i Real Madrid konfirmoi se një bisedë e tillë kishte ekzistuar, por me qëllimin e vetëm për të këshilluar mikun e tij dhe kurrë me synimin për ta bërë presion mbi të.
Benzema mund të dënohet deri në 5 vjet burg
Sidoqoftë, Gjykata e Lartë Franceze konsideroi se ai kishte marrë pjesë “në një shoqatë të paligjshme për përgatitjen e një krimi të dënueshëm me një minimum prej pesë vjetësh burg”.
Benzema gjithashtu pranoi gjatë marrjes në pyetje se i kishte thënë Valbuenës se e kishte parë vetë videon. Disa deklarata që ai më vonë i tërhoqi dhe që prokuroria i interpreton si një përpjekje për të rritur presionin për të paguar.
E gjithë kjo bëri që Karim të ndahej nga skuadra franceze. Francezi luajti ndeshjen e fundit për kombëtaren e tij më 8 tetor kundër Armenisë. Sidoqoftë, Didier Deschamps vendosi të bënte pa të gjatë Euro 2016, në të cilën ata ishin nënkampion pas rënies kundër Portugalisë.
Përveç kësaj, trajneri e privoi Benzeman nga fitimi i Kupës së Botës 2018 në Rusi pavarësisht se ishte në momentin më të mirë të karrierës së tij, madje i zgjedhur si kandidat për të fituar Topin e Artë.
Përkundër të gjitha mosmarrëveshjeve, këtë vit trajneri ‘bleu’ përfshiu emrin e tij në listën e 26 lojtarëve për Kampionatin Evropian: “Unë jam duke marrë vendime për të mirën e ekipit francez dhe mendoj se kjo është ajo që kam bërë me Karim Benzema. Ne duhet të harrojmë se për vite skuadra franceze fitoi shumë tituj,”-shpjegoi trajneri në një konferencë për shtyp./K.T/Gijotina.com
