Prej disa ditësh ka plasur skandali që ka përfshirë kryetarin e Bashkisë së Tiranës, Erion Veliajn ku në një audiopërgjim të publikuar sulmon ashpër Armand Dukën, presidentit e FSHF-së dhe përdor një gjuhë mjaft vulgare.
Videon e kanë postuar vetëm disa media online, ndërsa mediat që i mbajnë “ison” kryetarit nuk kanë guxuar as që ta flasin nëpër redaksi si lajm e jo më që ta publikojnë.
Edhe pse kjo video u denoncua nga FSHF, shumë media edhe ato kombëtare madje nuk e nxorën si lajm.
Por, problemi vazhdon pikërisht këtu. Mediat që kanë guximin që të thonë realitetin për lexuesit e tyre siç është, janë sulmuar në masë duke iu mbyllur portalet prej disa ditësh.
Gijotina.com ka qenë në një sulm të paprecedentë që prej datës 20 janar, në ditën që denoncuam të parët super skandalin që kishte ndodhur me Krenar Alimehmetin ku i kishin ofruar 100 mijë euro për të hequr dorë nga gara për kreun e Shoqatës Rajonale të Tiranës.
Ditët e fundit janë sulmuar edhe portalet Maska.al, Lapsi.al, Syri.net, Sport Exspres dhe Dosja.al.
Politika e Veliajt për t’u mbyllur gojën zërave kundër është e njohur ndër vite tashmë në Shqipëri.
Eksperti i IT, Gent Progni ka bërë me dije se pjesa më e madhe e sulmeve vjen nga Serbia dhe Gjermania, nga jo pak, por minimalisht 4800 IP adresa të blera, që komandojnë nga 100 kompjuterë të ndryshëm. Sipas Prognit, kostoja për një sulm të tillë është minimalisht 50 000$.
Discussion about this post