Mëngjesin e sotëm në “Koha për t’u zgjuar” me Klevin Mukën, ishte i ftuar doktor Altin Erindi, i specializuar për mjekësinë fizike dhe rehabilituese
Mjeku doli në lidhje me Hernien diskale, sëmundje kjo që mesa duket është një nga më të përhapurat në vendin tonë.
Popullsia në përgjithësi vuan nga kjo sëmundje, nga vitet 1980 e deri sot është një nga sëmundjet më të përhapura.
Preferohet që tek mjeku të shkohet që në fazat e para të dhimbjes që situata të mos jetë rënduar ende.
“Herniet, në varësi të nivelit ku dalin, pasi ka përveç mesit edhe në qafë, ngatërrohen shpesh me dhimbje muskulare.
Shenjat e hernies zakonisht janë ato që ngatërrohen me dhimbje nervore. Shiatika është në të vërtetë një hernie diskale në gradën e pestë”, u shpreh mjeku.
Erindi ka sqaruar gjithashtu mënyrat e trajtimit të hernies diskale.
“Kirurgjia kur rastet janë më të rënda dhe e dyja është fizio terapi, që kemi rase përmirësimi apo nevojë për kirurgji më pas që janë raste të pakta.
Hernia duket si diçka e tmerrshme por realisht në më shumë se 50 për qind të rasteve hernia shërohet, duke e lënë në qetësi rreth një muaj ajo shërohet plotësisht vetë.
Një përqindje tjetër nuk kanë asnjë simptomë pasi dalin në vende që nuk prekin nervat”, tha ai.
Discussion about this post