Kryeministri i vendit, Edi Rama i pranishëm në Forumin e Menaxhimit të Integruar të Mbetjeve dhe Ekonomisë Qarkulluese, ku e nisi fjalimin e tij me Himarën duke e konsideruar si histori suksesi.
Rama përmendi kryebashkiakun e Himarës, Jorgo Goron, duke thënë se ky i fundit ishte zgjuar nga gjumi pas kritikave të bëra herën e kaluar sa i përket pastërtisë. Teksa foli për menaxhimin e mbetjeve në qytete të ndryshme, Rama përmendi bashkinë e Himarës si “histori suksesi”, dhe kërkoi të dinte nëse kryebashkiaku ishte i pranishëm në mbledhje.
“Dua të përmend Himarën si histori suksesi. Dua të përmend Himarën, po nuk po e shoh kryebashkiakun se di a është këtu. Dua ta përmend si histori suksesi dhe nuk do isha habitur nëse nuk ishte këtu. Se ka qenë gjithmonë këtu kur ka ngrënë dru publikisht nga unë. Shembulli i Himarës është një shembull i jashtëzakonshëm, i një zgjimi të befasishëm të kryetari të bashkisë dhe i një pune që është pasqyrë për tu marrë shembull nga të gjithë. Sot Pogradeci është një pasqyrë pastërtie, Kamza shëmbëlltyra më dramatike e pisllëkut sot është një shëmbëlltyrë pastërtie. Gjirokastra dhe Elbasani, dhe Elbasani jo thjesht për faktin që falë impiantit të ndërtuar atje u hoq fusha mesjetare e plehrave, por edhe falë një organizimi dhe një shtrirje të shërbimit në gjithë territorin e bashkisë. Të gjitha këto bashki nuk janë dot sot të krahasueshme me Cërrikun dhe Sarandën që janë jo një por disa hapa përpara, në atë që mbetet një problematikë serioze, trajtimi dhe riciklimi i mbetjeve”, tha Rama.
Discussion about this post