Edhe pse 50 për qind e popullsisë në qarkun e Fierit është vaksinuar, sërish numri i personave të infektuar me COVID-19 mbetet i lartë, duke e renditur Fierin si qarkun e dytë pas Tiranës.
Drejtuesja e njësisë së Kujdesit Shëndetësor, Mirela Mitre shprehet se janë kryer mbi 105 mijë vaksinime në rang qarku.
“Në bashkinë Fier, Patos dhe Roskovec janë kryer 105 mijë e 148 vaksinime, nga të cilat 58 mije e 142 janë dozë të pare dhe 47 mijë e 126 janë më të dyja dozat”, tha Mitre
Ndërsa kategori të veçanta si mësuesit dhe stafet mjekësore janë vaksinuar në masën 80 për qind.
Mitre u bën thirrje të gjithë qytetarëve mbi 18 vjeç të paraqiten në qendrat e vaksinimit, pasi jemi ende në muajin e hapur të vaksinimit.
