Detaje të reja kanë dalë në dritë lidhur me ngjarjen e disa ditëve më parë në Durrës, ku u vendosën 50 kg tritol nga tre persona të paidentifikuar në impiantin që prodhonte çimento.
Burime për Gijotina.com shprehen se Prokuroria dhe policia e Durrësit kanë arritur të gjejnë vendin se ku është blerë sasia e tritolit.
Ndërkohë, tregtari tregon se sasinë e tritolit ja shesin vetëm kompanive të guroreve dhe jo individëve privatë që nuk kanë një licencë për përdorimin e sasive të eksplozivit.
Shitësi i ka treguar policisë listën e kompanive me të cilën ka marrëdhënie tregtare, duke përjashtuar në mënyrë kategorike që tritoli të kishte dalë nga depoja e tij, tek individë privatë të palicensuar.
Policia ende nuk ka identifikuar shkaqet e ngjarjes, ndërsa pistat kryesore që po hetohen janë konkurrenca më treg dhe kërcënimi për administratorin e firmës.
