Detaje të reja janë zbardhur nga operacioni i Policisë dhe FNSH që ka nisur që prej orëve të para të mëngjesit në Elbasan.
Operacioni është zhvilluar pas një hetimi të gjatë ndërsa policia është vënë në gjurmë të trafikantëve të drogës. E teksa raportohet se janë arrestuar rreth 50 persona, policia nuk është vetëm në kërkim të trafikantëve, por edhe personave të shpallur në këkrim.
Mes tyre mësohet se është dhe i shumëkërkuari Talo Çela, ndërsa mendohet se fshihet në Elbasan.
Në operacion janë përfshirë qindra force policie, ndësa disa nga trafikantët janë arrestuar gjatë natës në banesat e tyre. Gjatë operacionit janë sekuestruar materiale dhe sasi droge të ndaluarve. Pritet që policia të japë detaje për operacionin.
Kush është Talo Çela
Talo Çela është shpallur në kërkim ndërkombëtar nga Policia pasi Gjykata e ka dënuar në mungesë për grabitjen e 4.6 milion eurove në barkun e një avioni në Aeroportin e Rinasit. Ai bashkë me 7 persona të tjetër është futur në pistën e aeroporit të Rinasit dhe në momentin kur paratë e disa bankave po futeshin në barkun e një avioni për tu dërguar jashtë vendit, ata nën kërcënimin e armës kanë kryer grabitjen dhe janë larguar.
Por Talo Çela akuzohet gjithashtu dhe si personi që ka vrarë dy vëllezërit Haxhia në Durrës, më datë 27 prill 2020, te tregu i makinave. Sipas policisë, Talo Çela dyshonte se vëllezërit Haxhia kishin informacion se ku fshihej shuma e parave të grabitura në Rinas. Ai iu ka kërkuar atyre që të tregojnë vendin se ku fshihej ajo shumë parash, por ata kanë refuzuar.
Sipas Policisë, Talo Çela është person i shpallur në kërkim kombëtar dhe ndërkombëtar, pasi Gjykata për Krimet e Renda Tiranë i ka caktuar masën e sigurisë “Arrest në burg”, për veprat penale “Vrasja e punonjësit të policisë” kryer në bashkëpunim, mbetur në tentativë, “Vjedhja me armë e kryer në bashkëpunim”, në kuadër të grupit të strukturuar kriminal dhe “Vrasja me paramendim, kryer në bashkëpunim”.
Discussion about this post