Në 50-vjetorin e krijimit të Akademisë së Shkencave, ish kryeministri Sali Berisha deklaroi se kjo akademi nën drejtimin e Skënder Gjinushit, ka bërë regres të madh.
Nga selia e PD, Berisha e quajti Gjinushin “një matrapez”, që sipas tij i shiti partinë kryeministrit Edi Ramës nëpërmjet Tom Doshit duke thënë se ai qëndron në atë post në shkelje të Kushtetutës.
“Nga Akademia e Shkencave që sot Edi Rama i thur lavde u elaburuan falsifikimet më monstruoze, nga kjo akademi u himnizuan anti-vlerat. Në veprat e saj spikati mashtrimi në shumë prej tyre. Spikati glorifikimi i së keqes së diktatorit. Akademia është bashkëfajtore, bashkëpërgjegjëse për diktaturën dhe tiraninë që vendosi Enver Hoxha. Tirani që erdhi si rezultat i kolektivizmit total. Nuk ishte në Akademi viktimë vetëm historia jonë kombëtare po kaq viktimë u bë dhe gjuha shqipe, e cila për paranojën e diktatorit mori goditjen më të rëndë. Akademia feston 50 vjetorin në regres të madh, në qoftë se më parë kishte në krye një historian si Aleks Buda sot ka një matrapaz si Skënder Gjinushi që i shiti partinë Edi Ramës nëpërmjet Tom Doshit. Ai qëndron në atë post në dhunim flagrant të Kushtetutës në të cilën thotë se kreu i Akademnisë emërohet nga Presidenti”, tha Berisha.
Discussion about this post