Detaje të reja kanë dalë nga vdekja e 55-vjeçarit që u dogj sot brenda shtëpisë në Vlorë. Mësohet se viktima është Gjergji Beqiri dhe dyshohet që shkak për zjarrin të jetë bërë një shkëndijë elektrike e shkaktuar nga ngrohësja. Në ato momente ka marrë flakë batanija që 55-vjeçari ishte mbuluar.
Fqinji i viktimës, Arben Aliu u shpreh se ai ishte i sëmurë mendor dhe se kujdesej i vëllai për të. “I sëmurë, i vetmuar, ka disa vite ka qenë me qira, ka qenë vëllai i tij që merrej, në 6 pa çerek më tha gruaja ka dalë tym nga shtëpia e Gjergjit. Tymi ishte në përmasa të paimagjinueshme dhe nuk futesha dot brenda, ai ishte i sëmurë nuk e dalloje dot, e ndihmonte vëllai i tij. Zjarri rrezikonte gjithë pallatin dhe gjëja e parë që bëra ishte ula linjën elektrike. Ai as nuk gatuante asgjë”, tha fqinji.
Zjarri në banesë ka rënë në orët e para të mëngjesit të sotëm dhe duke qenë se ishte në gjumë i moshuari nuk doli në kohë nga banesa.
Discussion about this post