Parandalohet një ngjarje e mundshme kriminale në një familje në Tiranë. Policia ka arrestuar një 57-vjeçar, i cili dhunonte barbarisht të shoqen dhe e ka kërcënuar me armë, ndërsa të njëjtën gjë bëri dhe me efektivë e policisë.
Gjatë ndërhyrjes, 57-vjeçari ka kanosur edhe punonjësit e Policisë, me armën e gjahut. Në pranga ka rënë S. D., 57 vjeç, për veprat penale “Dhuna në familje”, “Kanosja për shkak të detyrës” dhe “Mosbindja ndaj urdhrit të punonjësit të policisë së rendit publik”.
Pas neutralizimit të tij, 57-vjeçari nuk i është bindur urdhrave të punonjësve të Policisë, për t’u shoqëruar në komisariat. Në cilësinë e provës materiale u sekuestrua arma e gjahut (çifte). Materialet i kaluan Prokurorisë, për veprime të mëtejshme.
Discussion about this post