Gjashtë bashki në vend, konkretisht ajo e Tiranës, Durrësit, e Rrogozhinës, bashkia e Shijakut dhe ajo e Mirditës i kanë kërkuar disa javë më parë qeverisë fond për rindërtimin. Por, kryeministri Rama dhe ministri i Rindërtimit Arben Ahmetajnë kanë vendosur të shtojnë fond vetëm për 3 bashki të priveligjuara.
Në mbledhjen e fundit të zhvilluar Këshilli Bashkiak ka miratuar fond shtesë për rikonstruksionin e pallateve të dëmtuara nga tërmeti vetëm për bashkitë e Tiranës, Durrësit dhe Mirditës.
Në vendimin e Këshillit të Ministrave thuhet se është aprovuar fondi prej 824 milionë e 836 mijë lekësh për këto 3 Bashki. Bashkia Durrës ka marrë shumën më të madhe me 388 milionë lekë, më pas vjen Tirana me 240 milionë lekë dhe në fund, bashkia e Mirditës, të cilës i akordohen 196 milionë lekë.
Vendimi përcakton gjithashtu përdorimin e fondit të rindërtimit për vitin 2021 në masën rreth 165 milionë lekë për 3 Bashkitë në formën e transfertës së pakushtëzuar.
Ndërkohë edhe në një vendim të 17 nëntorit për Tiranën, Komisioni i Rindërtimit ka miratuar financimin e grantit me vlerë 3.5 miliard lekë, për Durrësin 1.7 miliard lekë, për Rrogozhinën 624 milionë lekë, për Shijakun 158 milionë lekë, për Kurbinin 28 milionë lekë dhe për Mirditën rreth 6 milionë lekë. Sipas vendimit, fondet do të përdoren për apartamentet dhe banesat e klasifikuara me dëmtime të shkallës DS1,DS3 dhe DS4.
Discussion about this post