Ukraina është në ditën e gjashtë të luftës, pasi presidenti rus Vladimir Putin urdhëroi sulmin ndaj vendit fqinj. Pavarësisht se ditën e djeshme përfundoi raundi i parë i bisedimeve për paqe mes Ukrainës dhe Rusisë, nata ishte e përgjakshme dhe sulmet vijojnë.
Gjatë orëve të fundit, të paktën 70 ushtarë u vranë në një sulm të artilerisë ruse, kanë konfirmuar zyrtarët ukrainas. Nga ana tjetër, punonjësit e urgjencës po përpiqen të gjejnë të mbijetuarit.
Qendra rajonale e Khersonit është e rrethuar nga trupat ruse.
Ushtria ruse po vazhdon vazhdimisht avancimin e saj në Kiev, me imazhet satelitore që tregojnë një rresht me makina të blinduara rreth 65 km të gjatë.
Dhjetra civilë u vranë më herët ditën e djeshme në sulmet me raketa ruse në qytetin e dytë më të madh të Ukrainës, Kharkiv. Qeveria e Ukrainës ka bërë me dije se planifikon të shesë bono lufte për të paguar forcat e saj të armatosura.
Discussion about this post