6 gola në 13 ndeshje, kush është 22-vjeçari shqiptar që po shkëlqen

Dardan Shabanhaxhaj është sulmuesi shqiptar që po shkëlqen me fanellën e Murës, teksa ka arritur në shifrën e gjashtë golave në elitën e Sllovenisë.

Ditën e sotme Shabanhaxhaj realizoi golin e vetëm për Muran në barazimin 1-1 me Radomljen në transfertë.

22-vjeçari shënoi për 1-0 në minutën e 25-të, ndërkohë që vendasit më pas barazuan shifrat.

Në 13 paraqitje me fanellën e Murës, Shabanhaxhaj ka regjistruar edhe dy asistime.

Mura ka 15 pikë nga 13 ndeshje dhe mban vendin e gjashtë në kampionatin e Sllovenisë. 22-vjeçari është duke ecur në hapat e Dakut që dy sezone më parë shkëlqeu te Mura, duke u konfirmuar si bomber.