Ministri i Drejtësisë, Ulsi Manja i është përgjigjur deklaratave të ish-kryeministrit Sali Berisha, i cili u shpreh se 6 ministra pritet të ekstradohen drejt vendeve të Beneluksit, po po pengohen marrëveshjet e ekstradimit. Manja tha se nuk ka kërkesa të tilla nga vende si Belgjika, Holanda dhe Luksemburgu. “Lidhur me atë që deklaroi zoti Berisha se qeveria shqiptare ka bllokuar marrëveshjet e ekstradimit me vendet e Beneluxit. Nuk e di se si kjo kërkesa ka shkuar më parë në zyrën e Berishës. Dua të jem i qartë. Sot nuk ka asnjë pengesë në fushën e bashkëpunimit gjyqësor as me Belgjikën, Holandën apo Luksemburgun. Bashkëpunimi është në nivele të kënaqshme.
Me Belgjikën kemi një marrëveshje dy-palëshe për personat e dënuar. Kemi bashkëpunim të shkëlqyer dhe s’ka kërkesë nga këto shtete, sepse jemi të gatshëm të nënshkruajmë marrëveshje nëse do të vijnë. S’e di se si i sajoni këto gjëra, në një seancë dedikuar zgjedhësve. Por kur nuk ke zgjedhës i drejtohesh marëveshjeve të ekstradimit”, tha Ulsi Manja.
Discussion about this post