Një gjashtë vjeçar në Malishevë është plagosur rëndë ditën e sotme, pasi është rrëzuar nga rimorkio e traktorit. Fëmija ishte me babanë e tij në traktor teksa është dërguar në Qendrën Klinike Universitare të Kosovës pas lëndimeve të marra. Sipas informacioneve ai ka marrë plagë të rënda në kokë.
“Malishevë 08.07.2022 – 19:00. Një fëmijë 6 -vjeçar ka pësuar lëndime trupore pasi është rrëzuar nga rimorkio derisa ishte me babin e tij duke bartur ushqim të bagëtive me traktor. Viktima është dërguar për trajtim mjekësor në QKUK dhe sipas mjekëve ka lëndime serioze në kokë. Në konsultim me prokurorin rasti shkon në procedurë të rregullt” thuhet në raportin e Policisë së Kosovës.
Ndërsa tani nuk dihet gjendja shëndetësore e tij, por mësohet se i është nënshtruar dy operacioneve urgjente.
Discussion about this post