Ka kryer 6 vjedhje në 6 ditë dhe më në fund policia arriti të vënë sot në pranga “skifterin” e Durrësit. Mësohet se, në vijim të punës për parandalimin e vjedhjeve dhe në bazë të informacioneve të marra, Policia e Durrësit , ka mundur të bëjë arrestimin në flagrancë të personit 29-vjeçarit, banues në lagjen nr. 17, Durrës, i cili ishte kthyer në makth për qytetarët, pasi çdo mbrëmje kryente nga një vjedhje.
Sipas të dhënave, i riu u kap në flagrancë nga shërbimet e Policisë, duke vjedhur 40 pompa nafte në servisin e shtetasit F. S., 61 vjeç. Nga veprimet hetimore të kryera dyshohet që ky shtetas të jetë autor i 6 vjedhjeve të tjera të ndodhura në harkun kohor 21.11.2021 – 27.11.2021, në disa lagje të qytetit të Durrësit.
Konkretisht, i riu akuzohet se ka vjedhur matës elektrikë dhe pajisje të tjera elektrike, si dhe orendi shtëpiake në 5 banesa, konkretisht në banesat e shtetasve P në lagjen nr. 15 Durrës. Për të zbardhur më shumë detaje rreth kësaj ngjarje, ndërsa autori është dërguar në komisariat, ku po merret në pyete për të zbuluar nëse vepronte i vetëm apo kishte bashkëpunëtorë.
Discussion about this post