Ditën e sotme një shtetas 60-vjeçar, me iniciale A.M, është gjetur i vdekur në një veturë në lagjen Ortakoll të Prizrenit. Bëhet me dije se ngjarja ka ndodhur rreth orës 17:40 të pasdites.
Lidhur me ngjarjen, lajmin e ka konfirmuar zëdhënësi i policisë së Kosovës për rajonin e Prizrenit, Vesel Gashi.
“Me datën 06.05.2022, rreth orës 17:40, Policia në Prizren ka pranuar një informatë nga ekipi i Urgjencës se në rrugën Jusuf Gërvalla, në lagjen Ortakoll të Prizrenit, një person në veturën e tipit ‘Skoda’ me targa vendore është pa shenja jete”.
Më tej, ai gjithashtu ka përcjellë se në vendngjarje ka dalë edhe njësiti i Krimteknikës, si dhe prokurori i shtetit.
“Me urdhër të prokurorit, trupi i pajetë dërgohet në Institutin e Mjekësisë Ligjore për procedura të mëtutjeshme ligjore”.
Së fundmi, rasti po hetohet nga sektori i hetimeve rajonale në Prizren.
Discussion about this post