Legjenda e futbollit argjentinas dhe i klubit të Napolit, Diego Armando Maradona do të festonte ditën e sotme 61-vjetorin e lindjes.
Klubi ku ai shkroi më shumë histori, Napoli e ka kujtuar ikonën e tyre në një postim në ‘Twitter’, ku thekson se ai ishte më i madhi.
“Sot, në vitin 1960, lindi më i madhi. Gëzuar ditëlindjen, Diego! Forza Napoli”.-shkruhet në publikimin e klubit italian.
Maradona humbi jetën rreth një vit më parë, më 25 nëntor 2020 pas një goditjeje në tru. Ndërsa së fundmi janë hedhur akuza të rënda ndaj familjarëve të tij dhe mjekëve që e trajtuan.
Ish-avokati i ‘dorës së zotit’ ka deklaruar së fundmi se argjentinasi humbi jetën për shkak se familja e tij nuk e dërgoi në spital, ndërsa ekipi mjekësor që e trajtoi nuk i dha kujdesin e mjaftueshëm, gjë e cila do e kishte parandaluar ndarjen e tij nga jeta.
I konsideruar nga të gjithë si emri më i madh i futbollit ndër vite ai dalloi te klube si Barcelona dhe më pas te Napoli./K.T/Gijotina.com
