63-vjeçari në Gjirokastër dhunon gruan dhe nënën, arrestohet

Policia e Gjirokastrës ka parandaluar përshkallëzimin e një rasti dhune në familje ndërsa në pranga ka rënë një 63-vjeçar.

Ky i fundit kishte dhunuar nënë dhe gruan e tij dhe i kishte kanosur se do t’i nxirrte nga banesa ku jetonin bashkë.

Arrestimi i Petrit Alikajt për veprën penale “Dhuna në familje”, erdhi pas kallëzimit të bërë nga nëna e tij në polici.

Njoftimi i policise:

Ndërhyrja në kohë e shërbimeve të Policisë, parandalon përshkallëzimin e mëtejshëm të një rasti dhune në familje.

Vihet në pranga 63-vjeçari që dhunoi nënën dhe bashkëshorten e tij.