Policia e Lezhës ka vënë në pranga një 64-vjeçar pasi ka qëlluar me armë zjarri drejt fqinjit të tij, fatmirësisht pa e plagosur. Mësohet se, policia ka shkuar menjëherë në vendngjarje pas njoftimit se dy fqinjë po konfliktoheshin me njëri-tjetrin dhe se njëri prej tyre kishte qëlluar me armë gjahu në drejtim të fqinjit tjetër.
Shkak i përplasjes dyshohet të ketë qenë fakti që personi me iniciale M. J., ka prerë pemët dekorative në pronësi L. K., duke e irrituar këtë të fundit.
Falë reagimit në kohë të policisë, u bë i mundur parandalimi i përshkallëzimit të mëtejshëm të konfliktit, kapja dhe arrestimi në flagrancë i autorit të dyshuar, ndërsa është proceduar penalisht M. J.
Materialet hetimore i kaluan Prokurorisë së Rrethit Gjyqësor Lezhë, për veprime të mëtejshme.
Discussion about this post