Dy vëllezër të moshës 5 dhe 6 vjeç u vranë brutalisht nga një 65 -vjeçari në Egjipt sepse, siç pretendonte pensionisti, “u shqetësova nga zhurma që bënin duke luajtur jashtë shtëpisë sime”.
Sipas Sky News Arabia, historia e tmerrshme doli në dritë kur babai i Rahim 6-vjeçar dhe Islamit 5-vjeçar denoncuan në polici zhdukjen e fëmijëve.
Hetimi që pasoi e çoi policinë në shtëpinë e fqinjit të tyre, 65-vjeçarit Mohamed Saber, i cili, pas marrjes në pyetje, pranoi se kishte vrarë dy fëmijët dhe më pas i kishte hedhur trupat e tyre në një lumë.
“Kur e morëm në pyetje ai pretendoi se i kishte paralajmëruar dy fëmijët dhe u kishte kërkuar të luanin larg shtëpisë, por ata refuzuan. Siç ka rrëfyer, i ka futur brenda në shtëpi, i ka sulmuar, i ka rrahur dhe në fund i ka mbytur”, tha një burim policor për Sky News Arabia.
65-vjeçari ka treguar gjithashtu se ka kërkuar ndihmën e djalit të tij 33-vjeçar me të cilin gjatë natës kanë hedhur trupat e dy fëmijëve në një lumë.
Pas arrestimit të tij, djali i 65-vjeçarit ka paraqitur të njëjtin version në polici, ku prokuroria ka vendosur të caktojë në paraburgim të dy.
Trupat e dy fëmijëve u gjetën në ujë në gjendje dekompozimi dhe u dërguan në spital për nekropsi.
Discussion about this post