Në kuadër të “7 marsit”, kreu i Partisë Demokratike Lulzim Basha, ka zhvilluar një takim me mësues dhe pedagogë në kryeqytet. Basha u shpreh se roli i mësuesit i është i vështirë, por pavarësisht të gjithave, nuk janë ndalur duke përçuar dije tek nxënësit.
“Sot nuk mund të jemi në një tryezë festë, sot situata është duke u përkeqësuar dhe në vend që mësuesve t’u ofrohen kushte për të arritur në vendin që meritojnë sot ndodhe në pozita të pafavorshme”, tha Basha.
Nga ana e tyre, mësuesit shprehën pakënaqësitë, për mungesë të vëmendjes në punën e tyre. Mungesa e vizionit është një nga elementët shqetësues, pasi mësuesit përballen edhe me klasat kolektive që është vështirë për t’u administruar dhe për të përçuar dije tek nxënësit.
Një tjetër mësuese trajtoi problemin e autonomisë së universiteteve duke u shprehur se pedagogët po përdoren si leva dhe se çdo projekt që vjen nga jashtë kanalizohet nga ana e qeverisë.
Discussion about this post