7 transferime gjate merkatës së verës, Laporta ka gati planin për të kthyer Barçën e dikurshme

Drejtuesit e Barcelonës po vazhdojnë me punën e tyre për të gjetur lojtarët e duhur për t’i transferuar gjatë merkatës së verës në “Camp Nou”.

Synimi i klubit katalanas është sigurisht kthimi i Barçës në majë dhe për këtë i ka idetë e qarta edhe presidenti Joan Laporta.

Sipas “Sport” raportohet se numri një i klubit ka listën prej 7 transferimesh në merkato, për t’i vënë më pas nën urdhrat e  Xavi Hernandez.

Objektivat e Barçës aktualisht janë një portier, një mbrojtës qendre, 2 lojtarë krahu të një niveli të lartë, një mesfushor shkatërrues dhe 2 sulmues.

Janë tashmë të konfirmuara ardhjet e Inaki Pena (portier), Andreas Christensen dhe Franck Kessié. Ndërsa në sulm pritet të vijnë Robert Lewandowski (Bayern) dhe Raphinha (Leeds United).

Luftohet për të siguruar lojtarët e krahut dhe në listën e lojtarëve të piketuar spikasin: César Azpilicueta (Chelsea), Javi Galán (Celta Vigo), Alex Telles (Manchester United), Alejandro Grimaldo (Benfica), Nicolás Tagliafico (Ajax) dhe Álex Moreno (Real Betis).