Tre persona janë arrestuar nga policia e Gjirokastrës me akuzën e trafikimit të lëndëve narkotike. Personat e arrestuar kishin përshtatur automjetin për të fshehur lëndën narkotike me qëllim trafikimin e saj.
Njëri prej të arrestuarve kontrollonte rrugën në mënyrë që mos hasnin në asnjë pengesë me policinë, ndërsa dy personat e tjetë e ndiqnin nga pas.
Në njoftimin zyrtar të policisë thuhet se është arrestuar M. Ç., 37 vjeçe dhe S. Rr., 39 vjeç, të dy banues në Gjirokastër si dhe F. T., 37 vjeç, banues në Tiranë, me precedent të mëparshëm kriminal në fushën e narkotikëve.
Gjatë kontrollit në automjet, shërbimet e Policisë kanë gjetur të fshehura në vende të përshtatura, 87 pako të mbushura lëndë të dyshuar narkotike kanabis, me peshë totale 70 kg.
Gjithashtu, shërbimet e Policisë kanë ndaluar automjetin me drejtues F. T., i cili kontrollonte rrugën, me qëllim për të sinjalizuar 2 shtetasit e tjerë, për prezencën e shërbimeve të Policisë.
Në cilësinë e provës materiale u sekuestruan 70 kg lëndë e dyshuar narkotike kanabis, 2 automjete dhe 7 aparate celulare.
Materialet i kaluan Prokurorisë pranë Gjykatës së Rrethit Gjyqësor Gjirokastër, për veprën penale “Trafikimi i narkotikëve”, kryer në bashkëpunim.
Discussion about this post