Kombet evropiane dhe arabe, Kanadaja dhe SHBA-ja kanë shprehur gatishmërinë për të kontribuar 70 miliardë dollarë në rindërtimin e Gazës.
Lajmi u konfirmua nga një zyrtar i OKB-së. Jaco Cilliers, tha se lufta e Izraelit kundër Hamasit kishte gjeneruar të paktën 55 milionë ton rrënoja dhe se mund të duhen dekada që Gaza të rimëkëmbet plotësisht.
“Një numër vendesh kanë treguar tashmë se janë të gatshme të plotësojnë fondet e tyre ekzistuese për përpjekjet e rindërtimit në Gaza. Ka pasur edhe diskutime me Shtetet e Bashkuara në lidhje me interesin e tyre për të mbështetur rimëkëmbjen dhe përpjekjet humanitare”, tha Jaco Cilliers, zyrtar i OKB.
Zona të mëdha të Gazës janë shndërruar në një shkretëtirë nga bombardimet izraelite gjatë dy viteve që vranë rreth 68,000 njerëz.
“Shkatërrimi që shihni në Gaza është i dhimbshëm. Është shumë e tmerrshme ta shohësh nga afër, të shohësh familje që gërmojnë nëpër rrënoja për sendet e tyre, të shohësh fëmijë të vegjël që kërkojnë ujë dhe ushqim, në vend që të jenë në shkollë. Megjithatë, pavarësisht kësaj, qëndrueshmëria e njerëzve në Gaza është e pabesueshme”.
Sipas Qendrës Satelitore të Kombeve të Bashkuara, rreth 83% e të gjitha strukturave të ndërtesave në Gaza janë dëmtuar.
Deri më tani rreth 81,000 ton rrënoja janë pastruar.
Discussion about this post