“8 janari”, Basha mbërrin në Prokurorinë e Tiranës

Kreu i PD, Lulzim Basha ka mbërritur në Prokurorinë e Tiranës ku do të merret në pyetje lidhur me protestën e 8 janarit dhe se çfarë ka ndodhur brenda godinës së PD.

Basha do të pyetet gjithashtu nga prokurorët e rrethit dhe për dhunën me mjete të forta si dhe për përdorimin e bombolave anti-zjarr nga personat që ndodheshin brenda gjatë tentativës së protestuesve të Berishës për t’u futur në seli.

Për rreth dy orë e 40 minuta ka qenë sekretari i Përgjithshëm Gazment Bardhi që është pyetur në prokurori dhe ka dhënë versionin e tij për protestën. Ditën e djeshme ishte ish-kryeministri Sali Berisha që dëshmoi në prokurori, ku bëri akuza të forta për Bashën duke thënë se më 8 janar ai është mbrojtur nga vrasës në seli.