Partia Demokratike do të mbledhë sot Këshillin Kombëtar, ku pritet të diskutohen ngjarjet e 8 janarit. Kështu thuhet në njoftimin që Sekretari i Përgjithshëm i Partisë Demokratike, Gazment Bardhi, iu ka dërguar anëtarëve të Këshillit disa ditë më parë. Në atë njoftim sqarohet se, pritet të ketë një diskutim për organizimin e Këshillit dhe miratimin e një rregulloreje të brendshme. Ndër të tjera pritet se do të flitet për protestën e 8 janarit dhe vendimet që do merren në lidhje me të.
Mbledhja e Këshillit Kombëtar nga demokratët vjen disa ditë pas trazirave që shoqëruan protestën e thirrur nga ish-kryeministri Sali Berisha për rimarrjen e Partisë. Berisha me të mbështetësit nisën protestën me dhunë dhe dëmtuan zyrat e selisë. Berisha zotohet se selia do të merret dhe Basha do të largohet, por deri më tani, palët janë ende në pozicionet e tyre. Basha në seli dhe Berisha në prokurori ku duhet të japë deklarime për përplasjet e dhunshme dhe organizimin e protestës së 8 janarit.
Discussion about this post