Drejtoria e Përgjithshme e Doganave ka lëshuar statusin e Operatorit Ekonomik të Autorizuar si “tregtar i besueshëm” për 8 kompani shqiptare në sektorin e prodhimit dhe tregtisë. Ndërkohë mediat kanë bërë publike edhe 8 emrat e kompanive që kanë fituar besimin e autoriteteve shqiptare, të cilat kanë një të përbashkët, lidhjet e ngushta me kryeministrin Edi Rama.
Sipas të dhënave të doganave, kompanitë që kanë fituar besim janë: Rozafa, Intertrade & Distribution, Interbrands, Marketing and Distributions, Euroalb International Group, Mektroin Motors, Gener 2 dhe Doni Fruits. Siç dihet, Rozafa është në pronësi të Gjergj Lucës, Marketing and Distributions është në pronësi të Vilma Nushit, ndërsa Gener 2 është i Bashkim Ulajt.
Të gjithë këta persona shumë të afërt të Ramës, që nuk u kanë shpëtuar akuzave për abuzime me tenderët. Më këtë status të marrë, kompanitë kanë pak kontrolle fizike dhe të dokumentacionit në krahasim me operatorët ekonomikë të tjerë në proceset e zhdoganimit dhe tregtisë me jashtë.
Ata përfitojnë trajtim prioritar në rast seleksionimi për kontroll doganor dhe gjithashtu kanë mundësi për të kërkuar hapësira specifike përveç zyrave doganore për kontrollet e doganës. Tek e fundit, miqësia me kryeminstrin duhet që të vlejë për diçka, ndryshe ç’u pa!
Discussion about this post