8 kulla po ndërton Shefqet Kastrati tek Parku i Madh i Liqenit, por askush nuk e denoncon, ndërsa qeveria i ka mbyllur sytë përballë këtyre përbindëshave që po përpijnë gjelbërimin. Institucionet përgjegjëse gjithashtu nuk kanë marrë asnjë masë ndaj këtyre ndërtimeve pa kriter që rriten çdo ditë. Pak kohë më parë Gijotina.com ka denoncuar ndërtimin e kullave shumëkatëshe tek liqeni, madje edhe skemën se si Kastratit ka marrë leje për vetëm dy ndërtesa me më pak kate nga sa janë në të vërtet ato. Ndërkohë, ditën e sotme këtë skandal e ka sjellë në vëmendje gazetari Ermal Mulosmani, i cili përmes një postimi në Facbook ka publikuar ku duken qartë 8 kullat që po ngrihen nga Kastrati nën hundën e qeverisë dhe të gjithëve atyre që bëjnë sikur kërkojnë të eliminojnë korrupsionin. Në postimin e tij Mulsomani i kërkon opozitës që të mos hesht për këtë skandal, për këtë megaaferë që sjellë dëme kolosale si nga ana financiare dhe ajo mjedisore. Sipas tij, të mirën e publikut e duan ata të cilët nuk e fshehin këtë aferë të thurur nga qeveria dhe Shefqet Kastrati
“Ajo opozitë që del te parku i Liqenit, pas Sheratonit, dhe denoncon korrupsionin oligarkiko-qeveritar të kullave të Çet Kastratit, brenda mushkërive të qytetit, vetëm ajo, ka votën time. Të tjerët konfirmohen si të kapur nga Qeveria ose Oligarkët. Ky është test jo të përkrahësh një shërbëtor servil që dje ishte me pushtetin me shpresën se sot do të bëhet me ty. Edhe për mediat gjithashtu. Ajo që denoncon masakrën e Kastratit brenda Parkut të Madh të Tiranës mbron interesat e publikut. Të tjerat janë pallavra”, shkruan gazetari.
Më i fortë Çeti se shteti
Sikur e cekëm edhe më lartë Gijotina.com ka denoncuar se Kastrati ka marrë leje vetëm për një pjesë të ndërtimeve, pra për pallat jo më shumë 7 kate, ndërsa në të vërtetë 8 kullat janë më shumë se 10 katëshe. Por, duke qenë më të dobët përballë Kastratit, IKMT nuk ka shkuar të prish ndërtimet la leje të Kastratit, që për më tepër janë në një zonë natyrore, ku me ligj ndërtimet nuk duhet të lejohen.
Gjithashtu, Gazeta Nacionale ka shkruar më parë për Shefqet Kastratin. Për çdo vit, Shqipëria që nuk i ka as 3 milionë banorë importon 600 mijë ton naftë, e cila konsumohet nga rreth 600 mijë veturat që posedojnë shqiptarët. Përveç banorëve rezidentë, në Shqipëri çdo vit shkojnë e vijnë rreth 3-4 milionë turistë, të cilët gjithashtu përdorin naftën. Megjithatë, në terma të shpenzimeve, Shqipëria harxhon më pak naftë se Kosova, e cila ka vetëm 1.7 milionë banorë.
Fituesi më i madh nga përdorimi i naftës, padyshim, është Shefqet Kastrati, biznesmeni që është ndër baronët kryesor të naftës në Shqipëri. Por, fitimi i tij nuk është vetëm për shkak të sasisë që shitet në tregun shqiptar. Analistët nga Shqipëria dyshojnë se baronët e naftës në Shqipëri fusin naftë në mënyrë ilegale. Nga një gjë e tillë, më së shumti dëmtohet buxheti i Shqipërisë, pasi që një litër naftë e pa doganuar, hyn e paregjistruar edhe në rezervuarin e veturës së qytetarit. Mijëra tonë naftë hyn në këtë formë, për të cilën pastaj hidhen dyshime edhe për cilësinë. Ndonëse miliona euro tatime për naftën nuk paguhen në buxhetin e shtetit shqiptar, paratë megjithatë përfundojnë në kuletën e baronëve të naftës si Shefqet Kastrati. Kohë më parë, për shkak të pakënaqësive për rritjen e çmimeve, ka pasur protesta të shumta në Tiranë, e për të cilat kryeministri i Shqipërisë, Edi Rama, pati thënë se ato po i shërbejnë Rusisë.
Discussion about this post