Në përvjetorin e vdekjes së të ndjerit Sokol Olldashi, ish-deputeti i Partisë Demokratike, Igli Cara ka qenë i vetmi në radhët e PD që ka përkujtuar mikun e tij, ku nuk ka nguruar të përcjellë një mesazh për situatën aktuale të PD.
Ndërsa kujton bisedat me Olldashin pasi Lulzim Basha u zgjodh në krye të PD, Cara shkruan se projeksionet e këtij të fundit për të ardhmen e PD po bëhen realitet, duke nënkuptuar se as Olldashi nuk ishte dakord me zgjedhjen e Bashës në krye të selisë blu.
“Bisedat e mbrëmjeve të vona, me Sokolin, pas zgjedhjeve për kryetarin e Partisë Demokratike në 2013, kishin trishtim, reflektim, projeksione për të ardhmen … Midis shumë gjërave të mençura të tij, kujtoj si sot: “- Do të vijë një ditë dhe do të shohim…!”
Profecia u bë realitet! I paharruar kujtimi yt, Kol Olldashi!”, shkruan ai.
Deri më tani, asnjë funksionar tjetër i PD nuk ka reaguar për 8-vjetorin e vdekjes së Olldashit. Vlen këtu për t’u përmendur se nuk ka pasur reagim as nga ish-kryeministri Sali Berisha, ndonëse së fundmi ka pasur mbështetjen publike të dalit të tij, Glauk Olldashi.
Dita e sotme shënon 8-vjetorin e ish-deputetit të PD, Sokol Olldashit, i cili u nda nga jeta si pasojë e një aksidenti me makinë në qafë Krrabë.
Discussion about this post