80-vjeçari i larguar nga banesa është mbytur në lumë?

Një 80-vjeçar nga Belshi është larguar nga banesa e tij në datën 31 gusht dhe nuk është kthyer më në shtëpi.

Djali i të moshuarit e ka bërë denoncimin në komisariat, pasi i ati kishte ditë që ishte larguar nga banesa.

Autoritetet kanë dyshime se i moshuari është mbytur në lumë, pasi kanë gjetur një xhaketë, që mund ta kishte veshur 80-vjeçari.

Familjarët kanë thënë se 80-vjeçari kishte probleme të shëndetit mendor.

“Shtetasi T. A., 50 vjeç, ka njoftuar sallën operative, se në rrjedhën e lumit Devoll, dyshohet se është mbytur babai i tij, shtetasi R. A., 80 vjeç, banues në fshatin Rrenas, Belsh, i cili që prej datës 31.08.2023, ishte larguar nga banesa dhe nuk ishte kthyer më.

Shërbimet e Policisë kanë shkuar menjëherë në adresën e dhënë dhe sëbashku me familjarët kanë nisur kërkimet përgjatë rrjedhës së lumit.

Familjarët kanë deklaruar se shtetasi R. A., kishte probleme të shëndetit mendor.

Vijonë kërkimet në të gjithë rrjedhën e lumit, me qëllim gjetjen e trupit të 80-vjeçarit”, njofton policia.