Në vitet e fundit, ka një rënie konstante të studentëve që regjistrohen në ciklet e studimeve bachelor, por një fenomen i dukshëm është rritja e përqindjes së vajzave që diplomohen në Universitetin e Tiranës. Sipas të dhënave të INSTAT, përqindja e vajzave që diplomuan u rrit nga 73% në vitin 2017 në 83% brenda shtatë vjetësh, ndërsa raporti i djemve ka ndjekur një tendencë të kundërt.
Ky ndryshim shpjegohet me faktin se shumë djem vendosin të ndërpresin studimet dhe të kërkojnë mundësi emigrimi pas regjistrimit në shkollë. Kjo ka kontribuar në mbushjen e auditoreve me vajza vit pas viti, duke ndikuar në rritjen e përqindjes së tyre.
Po ashtu, INSTAT ka publikuar të dhëna që tregojnë se dy fakultete të Universitetit të Tiranës, Fakulteti i Ekonomisë dhe Fakulteti i Shkencave Sociale, kanë një përqindje shumë të lartë vajzash në auditore, përkatësisht 86% dhe 90%, duke theksuar tendencën e dominimit të vajzave në këto dega.
Discussion about this post