Vetëm nëntë futbollistë në historinë e futbollit kanë arritur të fitojnë Kupën e Botës, “Topin e Artë” dhe Champions League në karrierën e tyre. I fundit në kohë, në këtë listë, është Lionel Messi. Argjentinasi ka 4 Champions League dhe 7 “Topa të Artë” dhe fitoi Kupën e Botës në vitin 2022 në Katar. Ndërkohë që i pari është Bobby Charlton.
Sir Bobby, ishte kapiten i Anglisë kur fituan Kupën e tyre të vetme Botërore më 1966 dhe Manchester United kur ngriti Kupën Europiane më 1968. Në listë janë edhe dy gjermanë (Beckenbauer, Miller) me ‘Kaiser’ që ka fituar edhe Kupën e Botës si trajner në vitin 1990. Janë edhe tre brazilianë (Kaka, Rivaldo, Ronaldinho) dhe francezi Zinedine Zidane. Dy Ronaldot janë larg, pasi braziliani nuk e ka fituar kurrë Champions League dhe portugezi që nuk ka qoftë edhe një Botëror.
Ja nëntë futbollistët që kanë fituar tgre trofetë e mëdha gjatë karrirës së tyre:
- Bobby Charlton (Angli): 1966 (Kupa e Botës), 1966 (“Topi i Artë”), 1968 (Kampione e Europës me Manchester United)
- Franz Beckenbauer (Gjermani): 1974 (Kupa e Botës), 1972, 1976 (“Topi i Artë”), 1974, 1975, 1976 (Kampione e Europës me Bayern Munich)
- Gerd Myller (Gjermani): 1974 (Kupa e Botës), 1970 (“Topi i Artë”), 1974, 1975, 1976 (Kampione e Europës me Bayern Munich)
- Paolo Rossi (Itali): 1982 (Kupa e Botës), 1982 (“Topi i Artë”), 1985 (Champions League me Juventusin)
- Zinedine Zidane (Francë): 1998 (Kupa e Botës), 1998 (“Topi i Artë”), 2002 (Champions League me Real Madrid)
- Rivaldo (Brazil): 2002 (Kupa e Botës), 1999 (“Topi i Artë”), 2003 (Champions League me Milanin)
- Ronaldinho (Brazil): 2002 (Kupa e Botës), 2005 (“Topi i Artë”), 2006 (Champions League me Barcelonën)
- Kaka (Brazil): 2002 (Kupa e Botës), 2007 (“Topi i Artë”), 2007 (Champions League me Milanin)
- Lionel Messi (Argjentinë): 2022 (Kupa e Botës), 2009, 2010, 2011, 2012, 2015, 2019, 2021 (“Topi i Artë”), 2006, 2009, 2011 (Champions League më Barcelonën).
Discussion about this post