Një zëdhënës i Këshillit të Sigurisë Kombëtare konfirmoi të hënën në një deklaratë se nëntë shtetas amerikanë janë në mesin e atyre që kanë vdekur në konfliktin e Izraelit me Hamasin.
“Në këtë kohë, ne mund të konfirmojmë vdekjen e nëntë shtetasve amerikanë. Ne shprehim ngushëllimet tona më të thella për viktimat dhe familjet e të gjithë të prekurve, dhe i urojmë të lënduarve një shërim të shpejtë. Ne vazhdojmë të monitorojmë situatën nga afër dhe qëndrojmë në kontakt me partnerët tanë izraelitë, veçanërisht autoritetet lokale”, tha zëdhënësi në një deklaratë.
Zëdhënësi i Departamentit të Shtetit, Matt Miller konfirmoi këtë raportim, duke i thënë Phil Mattingly të CNN,
“Ne jemi në kontakt të ngushtë me qeverinë e Izraelit ndërsa ata vazhdojnë të kryejnë operacione sigurie për të gjetur shtetasit e humbur amerikanë.. dhe ne, natyrisht, jemi në kontakt të ngushtë me familjet e këtyre nëntë amerikanëve të vdekur dhe duke u ofruar atyre çdo ndihmë konsullore që mund t’u ofrojmë.”
SHBA vazhdon të mbledhë informacione për shtetasit amerikanë të përfshirë në konflikt.
Discussion about this post