Pas nëntë vitesh në pushtet si kryeministër, Edi Rama vijon ende të premtojë ende ujë të pijshëm 24 orë. Sot, e bëri nga Lushnja.
Rama tha se megjithëse është turp që të flitet në vitin 2022 për ujin e pijshëm, për të nuk përbën problem.
“Më në fund për pak javë i gjithë qyteti i lushnjës do të ketë ujë 24 orë. E kam pak fiksim këtë punën e ujit 24 orë. Hidhen disa edhe thotë si s’ju vjen turp juve akoma me këtë muhabet.
Tani të na vijë turp ne që po e bëjmë. Tani qyteti do të ketë ujë 24 orë. Sigurisht nuk është mirë që qyteti të diskutojë ujin 24 orë tani. Por mua jo vetëm që nuk më vjen turp, sepse ne nuk jemi njësoj me ata. Se po të ishim njësoj do kishte dy pika grumbullimi në Lushnjë”, u shpreh Rama.
Kujtojmë se Rama u zotua që në zgjedhjet e vitit 2013 që do garantonte ujë të pijshëm 24 orë për të gjitha familjet shqiptare brenda mandatit. Sot, pas 9 vitesh mbi karrigen e kryeministrit, vijon ende të përsërisë premtimin.
Discussion about this post