95 aksidente rrugore kanë ndodhur gjatë muajit maj në Shqipëri, për pasojë 136 persona janë lënduar e disa kanë ndërruar jetë.
Sipas ekspertëve të statistikave, shkaktar të këtyre aksidenteve në 97,9 % të rasteve janë drejtuesit e mjeteve.
Ndryshe nga sa kemi parë në muajin prill, aksidentet më të shumta në këtë muaj nuk i kanë shënuar të rinjtë, por grup-mosha 45-59 vjeç. Sipas INSTAT, 25,3 % të numrit të aksidenteve gjithsej janë shkaktuar prej tyre.
Aksidentet në këtë grup-moshë janë rritur me 50,0 %, krahasuar me të njëjtën periudhë të një viti më parë.
Në muajin maj 2023, numri më i lartë i aksidenteve rrugore ka ndodhur ditën e mërkurë me 21,1 %, ndërsa numri më i ulët i aksidenteve ka ndodhur të ditën e hënë me 7,4 %.
Në pesë mujorin e parë të vitit 2023, numërohen 427 aksidente rrugore nga 483 aksidente, të ndodhura në të njëjtën periudhë të një viti më parë.
Numri i aksidenteve rrugore është ulur me 11,6 %.
Discussion about this post