Të shumta janë faqet në tik-tok, të cilat ofrojnë viza për në Angli. Të paktën kështu deklarojnë, sepse e vërteta është disi ndryshe. Një histori mashtrimi është trajtuar nga emisioni Piranjat, i cili ka zbardhur një rast se si një i ri, për të realizuar ëndrrën e tij për të shkuar në Britaninë e Madhe ka paguar një shumë prej afro 9500 paund, por gjithçka i doli një mashtrim.
‘Problemi im ka nisur në vitin 2022. Jam gënjyer nga tik-toku nga Amarildo Jaku. Kishte një faqe në tik tok që bëj viza për në Angli.’
Dëshira e këtij te riu me emrin Astrit Marku, për te emigruar drejt Mbretërisë se Bashkuar, ka bërë që ai të bjerë pre e një mashtruesi, që i kishte premtuar lehtësira në marrjen e dokumenteve .
Fakt që vërtetohet edhe nga disa mesazhe që dy te rinjtë kanë shkëmbyer me njëri-tjetrin.
‘Pretendonte se e bënte vizën për 10 ditë. Një pjesë të lekëve e donte në dorë. Pimë kafe dhe herën e parë i dorëzova pasaportën me 1000 euro. Herën e dytë i dhashë 2500 euro. Pra 3500 euro në dorë.’
Gjithçka e pa dokumentuar, gabim fatal që e bëjnë shumë persona kur kërkojnë të zgjidhin problemin përmes sekserëve, si në këtë rast. Por kjo ishte për shumën e vogël, atë të paradhënies. Në momentin që Astriti do të paguante pjesën më të madhe të lekeve, disa dokumente të ligjshme do firmoseshin.
‘Kur erdhi data se del viza, tha jam gati dhe bëra një deklaratë noteriale që i jap këtë shumë për 3 ditë, I kam dhënë 6500 paund, u bënë 9500 paund. Por aty në deklaratë e bëmë me arsyetimin si hua dhënie.’
Pra, të dyja palët nënshkruan një kontratë, në të cilën afati i likuidimit, do të ishte 3 ditë pas nënshkrimit të saj. Praktikisht kontrata ishte një sigurese për Astritin, e cila do te zhvlerësohej menjëherë pasi ai te merrte vizen e premtuar.
Por ditët kalojnë, dhe viza Angleze e premtuar nga Amarildo nuk dukej askund. Ne vend te saj, vetëm premtime dhe mbajtje me shprese.
‘Më siguronte që ka mikun te ambasada, por nuk ma nxirrte që ta takoja dhe gjente justifikime që s’jam me fat, se të tjerëve ja kam bërë, etj, etj. E lashë 3 muaj qetësi dhe kontakti i fundit me të ka qenë në qershor vitin e kaluar.’
…ku Amarildo zotohet se do t’i kthejë lekët, duke qenë se nuk e dërgoi dot në Angli.
Fillimisht ai i dërgon dy mesazhe, dhe me pas e përsërit premtimin nëpërmjet një telefonate. Por Amarildo, nuk e mbajti fjalën, pasi ai nuk doli në takim në orën 5, siç kishte premtuar.
‘E kam kërkuar edhe te shtëpia, por nuk del ai.’
Kjo situatë e fshehjes dhe moskthimit të lekëve nga Amarildo, vijoi për rreth një vit e gjysëm, por Amarildo ndodhej shumë më pranë se sa e kishim menduar dhe pasi gjejmë adresën e saktë, shkojmë ta takojmë.
Amarildo pretendon që është një gabim i noteres, pasi sipas tij, data për t’u likuiduar ishte në vitin 2024. Kjo është alibi, e cila mund të vërtetohet vetëm nga zyra noteriale në të cilën janë bërë dokumentet.
Noterja sqaron se në zyrën e saj është vetëm një dokument, i cili fakton se data reale e likuidimit është 13 Mars 2022.
Pasi kemi sqaruar situatën me noteren, Amarildo ngre tonet dhe kërkon te viktimizohet. Në fund të debatit premton se do të sjellë dokumentet që janë në favor të tij, por edhe pse ka kaluar gati një muaj, premtimi i Amarildos, që siç mund ta imagjinoni ngeli aty, thjeshtë premtim, sepse nga ajo ditë, ai s’u bë më i gjallë.
Discussion about this post