Tre trafikantë droge kanë rënë në prangat e policisë së Elbasanit, pas një aksioni të ndërmarrë nga kjo e fundit. Burime nga policia për gijotina.com bëjnë me dije se të arrestuarit janë identifikuar me iniciale G. Xh., 40 vjeç, E. P., 18 vjeç dhe E. V., 31 vjeç, banues në Kavajë.
Të rinjtë janë kapur në tentativë për të transportuar drogë drejt Maqedonisë së Veriut. Në kuadër të operacionit “Rrajca 2021”, policia ka sekuestruar 11 kilogramë e 500 gramë drogë e dyshuar kanabis.
Sasia e drogës ishte fshehur në bagazhin e mjetit ku janë kapur tre trafikantët, përkatësisht G. Xh. dhe pasagjerë E. V. dhe E. P. Ndërsa siç e shihni edhe në foton e siguruar nga gijotina.com 3 çantat e mbushura me pako me lëndë narkotike cannabis sativa, janë mbështjellë me qese.
Në cilësinë e provës materiale u sekuestruan dhe automjeti, si dhe 3 aparate celulare.
Sakaq, vijojnë hetimet për identifikimin dhe arrestimin e personave të tjerë të përfshirë në këtë veprimtari kriminale.
Të arrestuarit pritet të përballen me akuzën për veprat penale “Trafikimi i narkotikeve“, kryer në bashkëpunim, mbetur në tentativë.
Discussion about this post