Theophilus Solomon është shpallur ‘Ylli i Javës” i Superligës Kosovare nga Federata e Futbollit. Ish-lojtari i Partizanit, që tashmë është pjesë e FC Ballkani është cilësuar si më i miri i raundit të 13.
Sulmuesi i portokallezinjve ishte vendimtar në fitoren që skuadra e tij mori në derbin e javës kundër Dritës me rezultatin 2-0. 25-vjeçari ishte autor i të dy golave të Ballkanit, duke i dhënë kështu ekipit të tij kreun e tabelës.
Ndërsa te Partizani u duk se nuk ishte në formën më të mirë të tij, te ekipi i Ballkanit lojtari nga Nigeria duket se e ka gjetur veten më së miri dhe deri më tani ka shënuar 3 gola.
Nga ana tjetër ish-ekipi i tij është duke kaluar në një periudhë shumë të vështirë dhe pas tetë javësh kampionat renditet në vend të tetë me tetë pikë./K.T/Gijotina.com
Discussion about this post