Veliaj paralajmëron rritje të çmimit të biletave për transportin

I pranishëm në Komisionin e Ligjeve, kryebashkiaku Erion Veliaj ka paralajmëruar rritje të çmimit të biletës për transportin publik. Gjatë fjalës së tij ai ka bërë një krahasim me Kosovën , ku thotë se çmimet atje janë 70 lekë, duke lënë të nënkuptohet se edhe këtu mund të shkohet në atë nivel.

“Ne nuk duam që të rrisim çmimin, edhe pse në Kosovë është 50 cent çmimi në transportin publik, pra 70 lekë, ndërsa këtu te ne është 40 lekë. Pikërisht se nuk duam që të rrisim çmimin ne propozojmë heqjen e TVSH-së për transportin publik. Bashkia duhet të subvencionohet për studentet, për personat me aftësi të kufizuar për të shpëtuar  transportin publik”, u shpreh Veliaj në komision.

Në komisionin ai ka diskutuar edhe për  detyrimet që bashkitë kanë pa pagua, duke thënë se duhen menduar reforma të cilat do të sjellin shlyerjen e tyre.