Situata pandemike në Rusi vjen në përkeqësim.Vetëm në 24 orët e fundit janë shënuar 1.211 viktima, të cilët nuk kanë mundur të fitojnë betejën me Covid-19.Strukturat shëndetësore bëjnë thirrje që qytetarët të vaksinohen, pasi situata në spitale shfaqet e mbingarkuar.
Mësohet se janë rreth 300.000 shtretër në dispozicion të të infektuarve me Covid-19, teksa 1 milion njerëz po trajtohen në baza ambulatore.Ndërkohë në 24 orët e fundit janë regjistruar 39,610 raste të reja të infektuar me virusin Covid-19.
Ndonëse Rusi ka prodhuar dy vaksina për të luftuar pandeminë, rezulton se vetëm një e treta e popullësisë është vaksinuar.Ky vend ka regjistruar më shumë se 8.87 milionë raste me koronavirus dhe gati 250,000 viktima. Kritikët dhe disa ekspertë shëndetësorë thonë se shifrat reale mund të jenë edhe më të larta.
Discussion about this post