Glauk Olldashi është shprehur se Kuvendi Kombëtar mund të mblidhet sa herë ‘i dojë qejfi për aq kohë sa siguron firmat e nevojshme.Sipas tij statuti ka parashikuar dhe situatat e jashtëzakonshme, ndaj nuk ka arsye për të shkuar në gjykatë.
“Fatmirësisht statuti ka parashikuar dhe situatat e jashtëzakonshme. Statuti mund të mblidhet sa herë i do qejfi nëse janë firmat. Kështu që nuk ka arsye përse të shkohet në gjykata.”
Olldashi ka theksuar se forumi nuk ka marrë asnjë kosto, duke argumentuar se nëse vendime të tilla do të merreshin me statuse në Facebook, atëherë nuk do të flitej më parti por fondacion.
“Forumi nuk ka marrë asnjë kosto. Kemi statut. Nëse vendimet do merreshin me statuse në Facebook, atëherë nuk do të ishim më parti por fondacion.”
Olldashi gjithashtu theksoi se mendimi ndryshe duhet inkurajuar për të forcuar demokracinë.
“Nuk besoj se arsyetimi për këtë vendim është i drejtë, sepse sidomos ne PD nuk mund të ndëshkojmë mendimin ndryshe në parti. Prandaj duhet të inkurajojmë mendimin ndryshe, sepse ajo na bën vërtetë demokratë.”
Discussion about this post