Mbi 6 miliardë lekë do të paguajë Bashkia Tiranë për prishjen e banesave të “5 Majit”, edhe pse ato janë në gjendje të mirë. Prej disa javësh, banorët e kësaj zone dalin çdo ditë në protestë duke thënë se nuk lejojnë që fadromat e IKMT të prekin banesat e tyre, pasi i kanë ndërtuar me djersë dhe nuk janë dëmtuar aspak nga tërmeti. Ata i kanë bërë thirrje të vazhdueshme qeverisë, i kanë kërkuar që t’i dëmshpërblejë me çmimin e tregut, ndërsa ka dhe nga ata që thonë se nuk kanë pse të largohen dhe se duan të qëndrojnë në shtëpitë e tyre edhe nëse fadromat iu vënë në rrezik jetën.
Por, pavarësisht këtyre kërkesave dhe thirrjeve, kryebashkiaku Erion Veliaj ka përcaktuar fondin limit dhe kompanitë që do të fryhen nga pagesa marramendëse, me justifikimin se banesat do të shemben në kuadër të projektit të rindërtimit. Pra, në këto kushte banorët e ‘5Majit’ do të detyrohen të dalin nga shtëpitë, pavarësisht se banesat e tyre nuk kanë pësuar asnjë dëmtim nga tërmeti i 26 nëntorit 2019. Në të dhënat e publikuara nga “Open Data”, evidentohet se vlera fituese total pa TVSH, për këtë prokurim është 6 ,191, 145, 299.78 Lekë.
Ajo që bie në sy është se, qeveria po aplikon në procedurën e tenderimit rregulla të veçanta të krijuara në Aktin Normativ me Fuqi Ligji datë 9 dhjetor 2019. Këto rregulla anashkalojnë legjislacionin e rregullt për Prokurime Publike. Organizata AIS ka konstatuar defekte të kësaj baze ligjore, shkelje të të drejtës kushtetuese për Liri Ekonomike dhe terren për cenim të konkurrencës në favor të kontraktorëve të mëdhenj të Qeverisë.
Ja sa do paguhen kompanitë fituese
Në fazën e parë, përzgjedhja e operatorëve që plotësojnë kushtet për kualifikim u zgjodhën 12 Operator Ekonomik. Megjithëse procedurë Ndërkombëtare mbi kufirin e lartë monetar) asnjë biznes i huaj nuk u paraqit apo kualifikua. Lista e operatorëve është e publikuar në Pasaportën e kësaj procedure, pasaportë e publikuar në Open Procurement Albania. Në fazën e dytë Autoriteti Prokurues Bashkia Tiranë , zhvilloi minikonkurse me ofertim jo sistem elektronik me operatorët e përzgjedhur, në 15 minikonkurse u njoftuan 15 kontrata të fituara.
Ndër to pikasen disa kompani që janë të priviligjuara nga qeveria, pasi marrin gjithmonë tenderët me vlerë më të madhe për ndërtime, edhe në rastet kur i përfitojnë pa garë. Duke përmendur këtu; Salillari shpk, , K.A.E.XH shpk & Mane/S shpk dhe Gjoka Konstruksion sha.
Sakaq, në raportin e AIS përcaktohet vlera që do të marrë secila nga kompanitë fituese. Pjesën më të madhe të “tortës” është marrë nga Bashkimi i Operatorëve Nova Construction 2012 shpk dhe Alesio 2014 shpk, me vlerë 573. 665. 006 lekë. Pas saj, pagesë të konsiderueshme ka marrë EuroNdërtimi 2000 shpk Mane / TCI shpk , K.A.E.XH shpk & Mane/S shpk, me vlerë 563. 802. 285 lekë. E treta me pagesën më të lartë renditet kompania Geci shpk, me vlerë 563. 001. 100 Lekë. Pasuar nga Salillari shpk, me vlerë 545. 660. 000 Lekë. Më pas renditet bashkimi i shoqërive Bajrami N shpk dhe Zdravo shpk janë fituesit, me vlerë 446. 888. 000 Lekë.
Pas tyre vjen bashkimi i operatorëve Company Riviera 2008 shk dhe Nika shpk Pepa Group, me vlerë 445. 641. 802 Lekë. Kompania në radhe, që gjithashtu ka marrë një vlerë të konsiderueshme është Alba Konstruksion, me vlerë 439. 257. 570 Lekë dhe pas saj janë Al Point shpk dhe Gjoka Konstruksion sha, me vlerë 408. 825. 570 lekë. Tjetër kompani fituese është Alba Shpresa shpk, me vlerë 347. 043. 604 Lekë dhe pas saj me vlerë të përafërt renditen bashkimi i Ina shpk , Xhengo shpk dhe Larti shpk me 338. 995. 000 Lekë.
Më pas renditet bashkimi i operatorëve Shkëlqimi 07 shpk, Gran Konstruction M shpk dhe Fled shpk, me vlerë kontrate 321 750 000 Lekë dhe bashkim operatorësh Alb Shpresa shpk , Alb Tiefbau shpk, egeu stone shpk, Mela shpl dhe Infratech shpk, me vlerë 313 851,514 lekë
ALB-Building shpk do të marrë përsipër dy zona zhvillimore dhe ka përfituar 311. 501. 928 Lekë për njërën dhe 292. 261. 647 Lekë për tjetrën. E fundit në listë që ka marrë pagesën më të ulët, por mjaft të konsiderueshme, është bashkimi Nova Construction shpl dhe Alesio 2014 shpk, me vlerë 278 000. 000 Lekë.
E.H/ gijtotina.com/
Discussion about this post