Më 22 nëntor Kukësi do të inaugurojë stadiumin ‘Zeqir Ymeri’, pas më shumë se dy vitesh pa shtëpi.
Ky lajm është konfirmuar nga Federata Shqiptare e Futbollit, e cila në kalendarin e javës së nëntë të Superligës ka vendosur që ndeshja midis Kukësit dhe Tiranës të zhvillohet në qytetin Verilindor.
Stadiumi i ri thuajse ka përfunduar dhe është edhe me ndriçim në mënyrë që kur të vijë nevoja të zhvillohen ndeshje edhe në mbrëmje.
Ndeshja e këtij raundi do jetë shumë e vështirë për Kukësin që vjen pas disfatës me Skënderbeun, duke ditur se përballë do të kenë skuadrën më të fortë të momentit, Tiranën e vendit të parë./K.T/Gijotina.com
Discussion about this post