Klubi i Dinamos do të prezantojë sot në orën 14:00 drejtorin sportiv, detyrë e cila i është besuar Arbi Laçit.
Laçi është emër jo pa i njohur në botën e futbollit, pasi ishte pjesë e klubit të Tiranës me po këtë detyrë në sezonin 2019-2020, kohë kur ‘Bardheblutë’ fituan edhe titullin kampion të Superligës. Ai ka bërë një sërë transferimesh në disa klube gjatë merkatos së verës dhe di si t’i pikasë talentet.
Me bashkimin e Arbi Laçit pritet që skuadra e ‘Bluve’ të kryeqytetit të përforcohet edhe më shumë dhe duke ditur se përpara është merkatoja e janarit, kjo lëvizje po ashtu pritet të japë frytet e saj.
Aktualisht Dinamo renditet në vendin e gjashtë të tabelës së Superligës me vetëm 9 pikë në 8 ndeshje të luajtura. Teksa qëllimi i këtij klubi që është theksuar disa herë, për këtë sezon është pjesëmarrja në kampionatet europiane./K.T/Gijotina.com
Discussion about this post