Mungesa e yllit të sulmit të Kombëtares shqiptare, Armando Brojës në grumbullimin e ‘Kuqezinjve’ në Durrës rrit gjithmonë e më shumë dyshimet për pjesëmarrjen e tij në ndeshjen me Anglinë që do të zhvillohet në ‘Wembley’ në kuadër të kualifikueseve të Botërorit ‘Katar 2022’.
Lojtari i Southampton ka dëmtuar kaviljen dhe është duke bërë trajtim në Londër, ku pritet t’i bashkohet atje përfaqësueses sonë.
Ndërsa vendimi për të do të jepet vetëm 24 orë përpara kësaj sfide, nëse do jetë në grupin e lojtarëve që do luajnë në Angli apo jo.
Ndërsa mungesa të tjera për shkak të dëmtimeve dhe formës jo të mirë për Kombëtaren tonë janë Berat Gjimshiti, Ivan Balliu dhe Rei Manaj.
Ky takim është shumë i rëndësishëm, pasi nëse do fitohet nga ‘Kuqezinjtë’ edhe pse në letër duket thuajse e pamundur dhe në të njëjtën kohë nëse Polonia humbet ndaj Hungarisë, Kombëtarja jonë do hynte për herë të parë në Botëror./K.T/Gijotina.com
Discussion about this post