Topografi i Vlorës Elton Arqile Marko është lënë në masën e sigurisë “Arrest me burg”. Marko akuzohet për shpërdorim detyre dhe falsifikim dokumentacioni. Zyrtari i bashkisë akuzohet se ka falsifikuar dokumentat e pronësisë duke përfituar në mënyrë të padrejtë një sipërfaqe të madhe toke. Gjykata e Shkallës së Parë Vlorë ka caktuar ndaj tij masën e sigurisë arrest me burg për veprat penale “Falsifikimi i dokumenteve” dhe “Pastrimi i produkteve të veprës penale”. Tashmë materialet hetimore i kanë kaluar Prokurorisë, për veprime të mëtejshme.
Burime për gijotina.com bëjnë me dije se, seanca gjyqësore u drejtua nga relatore Herila Cela.
Në muaj më parë skema e falsifikimit te dokemneteve çoi në pranga drejtorin e zyrës së administrimit të Tokës Bardhi Gjika, specialisti i kësaj drejtorie, Kreshnik Mino dhe 51-vjeçari Spiro Duni.
Ndaj tyre rëndon akuza e falsifikimit të dokumenteve në dosjet e pronave të fshatit turistik të Dhërmiut. Pas falsifikimeve të bëra dhe frikës nga drejtësia, në bashkëpunim me njëri tjetrin ata inskenuan një grabitje në zyrat e “Tokave” të Dhërmiut në zyrat e Këshillit të Qarkut të Vlorës.
Discussion about this post