Reperi i njohur, Drake ka folur për herë të parë për tragjedinë që ndodhi në koncertin “Astroworld” në Hjuston, ku mbetën të vrarë tetë persona.
Me anë të një postimi të tij në Instagram, Drake shprehet se ka menduar shumë për çfarë ndodhi gjatë festivalit dhe zemra e tij është e thyer.
Ai thotë që do të lutet dhe do përpiqet të ndihmojë me aq sa të mundet.
“Kam kaluar ditët e fundit duke menduar për këtë tragjedi. Unë e urrej të shpreh emocione si trishtimi në rrjete sociale, por e gjeta veten këtu. Zemra ime është thyer për shkak të atyre që kanë humbur jetën dhe të gjithë atyre që vuajnë. Unë do të lutem për të gjithë ata dhe do të ndihmoj me aq sa mundem. Zoti qoftë me ju të gjithë”, ka shkruar Drake në profilin e tij në Instagram.
Një nga personat që ishin në festival paditi Travisin dhe Drake për më shumë se një milion dollarë, duke pretenduar se reperët nxitën turmën të bënin kaos dhe zhurmë.
Discussion about this post