Rritet numri i viktimave nga Covid-19 në Greqi

Ka pësuar një rënie numri i personave të prekur nga koronavirusi në Greqi në këto 24 orë të fundit.

Ministria e Shëndetësisë atje bën me dije se janë konfirmuar 7105 raste të reja. Gjithashtu bëhet me dije se numri i viktimave mbetet i lartë, në krahasim edhe me një ditë më parë.
70 vdekje janë regjistruar dhe 489 persona të intubuar.

Nga rastet e reja, 5 prej tyre janë identifikuar pas kontrolleve të bëra në porte. Numri i përgjithshëm i rasteve arrin në 808.297. Ndër rastet e konfirmuara javën e fundit, 125 konsiderohen të lidhura me udhëtimet jashtë vendit. Për sa u përket personave në intubim,405 prej tyre janë të pavaksinuar. Pjesa tjetër janë pacientë të cilët i kanë marrë të dyja dozat e vaksinës.
Që prej fillimit të pandemisë, në Greqi janë regjistruar në total 16.493 viktima.